Pësoi defekt në motor, avioni ulet në mes të autostradës! Plagosen dy persona

Një avion i vogël privat është detyruar të bëjë një ulje në mes të një autostrade në San-Diego ditën e sotme.

Shkaku i uljes emergjente është bërë një defekt teknik në motorin e avionit. Dy pilotët që ndodheshin brenda avionit nuk pësuan lëndime.

Si pasojë e uljes, avioni ka përplasur disa makina duke plagosur dy persona. Ata u dërguan menjëherë në spital ku ndodhen jashtë rrezikut për jetën.

Mediat e huaja shkruajnë se avioni ka përplasur 4 makina, ku e gjithë skena është filmuar nga qytetarët.

Disa pjesë të mjetit fluturues janë shpërndarë rreth zonës duke goditur disa makina, por pa pasoja të rënda.