Moderatorja e njohur Einxhel Shkira akuzoi vëllezërit binjakë, Romeo e Donald Veshaj se e hoqën nga puna pas një aksidenti që bëri dhe iu desh të shkonte me vonesë në xhirimet e emisionit të tyre.
Pas deklaratës së moderatores në BBV, ka reaguar personi me të cilin ajo u aksidentua atë ditë.
Vajza e identifikuar si Eda shkroi në një postim në InstaStory se pasi u aksidentuan po e çonte Einxhel Shkirën në xhirime dhe u ndje në faj që gjithçka ndodhi për shkak të atij aksidenti.
“Personi me të cilin ti ke bërë aksident atë ditë kam qenë unë, isha duke të çuar me makinën time në xhirime. E njoh mirë historinë dhe e di që po tregon të vërtetën.
Më kujtohet që u ndjeva në faj se mu duk dikur e gjitha ndodhi prej aksidentit që pësove me mua. Nuk është e nevojshme ti vërtetosh askujt asgjë, as për jetën tënde personale dhe profesionale”, shkroi ajo.
Debati mes Einxhel dhe Donald
Donald: Jam e shokuar nga Einxhel.
Einxhel: Edhe ato për mua që kam pas lidhje jashtë që e kam për bixhoz.
Donald: Kush je ti që fut mua dhe vëllai im, kush je ti?
Einxhel: Po ti që ke thënë për mua…
Donald: Ta them unë kush je ti, ma thuaj çfarë kam përdorur, të kam parë të ulët. Të flasësh ti për mua dhe vëllanë tim?! Kujdes kur hap gojën, se kam marrë përgjegjësi se sa kam mbajtur një fletë në dorë.
Einxhel: Që në momentin e parë.
Donald: Ato fjalë janë shumë të rënda. Je shumë e ulët, të kam qëndruar afër se kam menduar për Dagzin, por je shumë e ulët.
Einxhel: Unë nuk jam njeri që qaj kot.
Donald: Ti po analizon të kaluarën time, po gjykon mua për zgjedhjet e mia, po analizon histori që kam pasur dhe po nxjerr vrer për mua, çfarë të vrau kaq shumë. je 32 vjeç, çfarë ke bërë për jetën deri tani e dashur, a mund ta di?!
Einxhel: Të dukem e paedukatë?
Donald: Në momentin që i thua këto po je.
Einxhel: Unë kam punuar pa fund.
Donald: Hë pra më thuaj.
Einxhel: Ti je i bërë i famshëm prej të dashurës tënde dhe personazh portalesh.
Donald: Kam bërë gjëra të tjera veç asaj.
Einxhel: Juve më hoqët nga puna, kur unë bëra aksident, kam dokumentet, të gjitha. Mos të tregojë Donaldi historitë e mia.
Donald: Unë kam pasur një bashkëpunim dhe më ka rezultuar se ka qenë një gabim zgjedhja e saj, se historitë kanë qenë të ngjashme. Unë kam disiplinë pune.
Einxhel: Ti ke 0 disiplinë pune.
Donald: Einxhel ishte një njeri jo korrekt, një ditë të bukur pune pasi kjo u bë se nuk vinte nga hiçi, ajo rrinte shumë natën dhe thoshte si t’ja bëj unë që mos të jem në mëngjes. Më pas më dërgoi një foto pasqyre të thyer duke më thënë se kishte bërë aksident.
