Roman Abramovich përfshihet ne negociatat mes Ukrainës dhe Rusisë!

Më kërkesë të zyrtarëve të Ukrainës, mësohet se pronari i skuadrës së Çelsit, oligarku i njohur, Roman Abramovich është përfshirë në grupin e negociatorëve Ukrainë- Rusi që po zhvillohen në territorin Bjellorus.

Sipas SkyNews fillimisht përfshirja e tij në këto negociata qarkulloi si një shaka interneti, por më pas është konfirmuar zyrtarisht nga zëdhënësi i i manjatit rus, Abramovich.

Abramovich i cili ka dhe një pasaportë të shtetit të Izraelit, ka pranuar kërkesën e Ukrainës për të bërë ndërmjetësin në zgjidhjen e konfliktit të armatosur.

“Mund të konfirmoj që Roman Abramovich është kontaktuar nga pala e Ukrainës ndërmjetësuar në arritjen e një marrëveshje paqësore dhe që nga ai moment, ai është përfshirë për të ndihmuar. Duke patur parasysh që përgjegjësia është madhe që ka situata, ju lutem të kuptoni dhe arsyet pse nuk mund të komentojmë më shumë, lidhur me përfshirjen e tij”, theksoi zëdhënësi i Roman Abramovich.