SHBA vë në dyshim anëtarësimin e Rusisë në Këshillin e OKB, Blinken: A duhet të qëndrojë këtu një vend që kryen abuzime të tmerrshme?

Sekretari amerikan i shtetit, Antony Blinken, ka vënë në pikëpyetje anëtarësimin e Rusisë në Këshillin e OKB-së për të Drejtat e Njeriut.

Në një fjalim drejtuar këtij institucioni, Blinken u shpreh se duhet të dënojmë përpjekjen e Rusisë për të rrëzuar një qeveri të zgjedhur në mënyrë demokratike.

“Dikush mund të pyesë me arsye nëse një shtet anëtar i OKB-së, që përpiqet të marrë nën kontroll një shtet tjetër anëtar të OKB-së – duke kryer abuzime të tmerrshme të të drejtave të njeriut dhe duke shkaktuar vuajtje masive humanitare – duhet të lejohet të qëndrojë në këtë këshill?”, tha ai.

“Ne duhet të dënojmë me vendosmëri dhe pa mëdyshje përpjekjen e Rusisë për të rrëzuar një qeveri të zgjedhur në mënyrë demokratike dhe abuzimet e saj të rënda të të drejtave të njeriut”, shtoi Blinken.