Google heq nga kërkimi “Russia Today”: Po marrim masa për të ndaluar përhapjen e dezinformimit

Google ka hequr median shtetërore ruse Russia Today (RT) nga mjeti i saj i kërkimit të lajmeve.

Presidenti i Google për çështjet globale Kent Walker tha se “Në këtë krizë të jashtëzakonshme ne po marrim masa të jashtëzakonshme për të ndaluar përhapjen e dezinformimit dhe për të ndërprerë fushatat e dezinformimit në internet”.

Kompania tashmë kishte kufizuar faqet e lajmeve të financuara nga qeveria ruse nga reklamimi dhe përdorimi i disa veçorive në YouTube, platforma e ndarjes së videove në pronësi të Google.

Zëvendës kryeredaktori i RT-së, Anna Belkina, tha se masa ishte dëshmi se kompanitë perëndimore janë “të tmerruar nga prania e ndonjë zëri të jashtëm nga frika e humbjes së audiencës së tyre historikisht të robëruar”

RT dhe Sputnik, një faqe tjetër e financuar nga qeveria, konsiderohen nga Departamenti i Shtetit i SHBA si dy ” elementë kritikë në ekosistemin e dezinformimit dhe propagandës së Rusisë”.

Gjigandi i teknologjisë Apple ka thënë gjithashtu se RT dhe Sputnik nuk do të jenë më të disponueshme për shkarkim si aplikacione jashtë Rusisë.