SHBA në Këshillin e OKB: Sulmi rus ndaj centralit bërthamor ishte i pamatur

Këshilli i Sigurimit i OKB-së është mbledhur në Nju Jork pasi Mbretëria e Bashkuar dhe shtete të tjera kërkuan një takim urgjent pas bombardimeve ruse të një centrali bërthamor në Ukrainë që tani është nën kontrollin e saj.

Ndërtesat në termocentralin bërthamor Zaporizhzhia në Ukrainë, më i madhi në Evropë, janë dëmtuar dhe Kievi zyrtar thotë se ka të vdekur dhe të plagosur. Përfaqësuesja e SHBA, Linda Thomas-Greenfield, tha në takim se veprimet e Rusisë ishin “të pamatur” dhe “të rrezikshme”.

“Me hirin e Zotit, bota shmangu për pak një katastrofë bërthamore mbrëmë. Ne të gjithë prisnim të nxirrnim frymën ndërsa shikonim situatën e tmerrshme të shpalosej në kohë reale,” thotë ajo.

Ajo shprehet se forcat ruse janë 20 milje (32 km) larg nga një tjetër objekt bërthamor dhe se “rreziku” vazhdon.