Ambasadori kinez në SHBA: Nëse do të ishim në dijeni të planit rus do përpiqeshim ta ndalonim luftën

Ambasadori i Kinës në SHBA ka thënë se qeveria e tij nuk dinte asgjë për planet e Rusisë dhe do të ishte përpjekur ta ndalonte atë nëse do të ishte në dijeni.

“Pohimet që Kina e dinte, e pranoi ose e mbështeti në heshtje këtë luftë janë thjesht dezinformata. Të gjitha këto pretendime i shërbejnë vetëm qëllimit të zhvendosjes së fajit dhe hedhjes së baltës ndaj Kinës. Në Ukrainë kishte më shumë se 6000 qytetarë kinezë. Kina është partneri më i madh tregtar i Rusisë dhe Ukrainës dhe importuesi më i madh i naftës së papërpunuar dhe gazit natyror në botë. Konflikti midis Rusisë dhe Ukrainës nuk i bën mirë Kinës. Sikur Kina të dinte për krizën e afërt, ne do të kishim bërë maksimumin për ta parandaluar atë”, ka shkrua ambasadori në një artikull në Washington Post.

Pekini ka qenë nën presion të madh për lidhjet e tij me Rusinë, duke pretenduar se Rusia ka kërkuar ndihmë ushtarake dhe ekonomike prej saj.

Udhëheqësi i Kinës, Xi Jinping, u takua me Vladimir Putinin e Rusisë para Lojërave Olimpike Dimërore të Pekinit për një takim të rëndësishëm ku ata nënshkruan një partneritet “të pakufishëm”.

Jo shumë kohë më vonë, Rusia sulmoi Ukrainën. Analistët dhe zyrtarët amerikanë kanë sugjeruar se Kina mund ta ketë ditur se Putini po planifikonte diçka, por jo për masën e saj.