Ministrja e Kulturës shpjegon kriterin e ri :Drejtori i ri i TKOB duhet të ketë edhe Master në Ekonomi

Ministrja e Kultures Elva Margariti, ka shpjeguar kriterin qe eshte vendosur se fundmi per perzgjedhjen e drejtorit te ri te Teatrit te Operas dhe Baletit, ku duhet te kete edhe nje Master per Ekonomi.

Ajo tha se eshte e nevojshme, qe sipas modeleve te teatrove te tjere ne bote, institucionet e artit dhe kultures ne vendin tone te gjenerojne edhe vete te ardhura dhe te mos varen totalisht nga buxheti i shtetit.

Pyetje: Ju së fundmi keni hapur konkurimin për Teatrin Kombëtar të Operas dhe Baletit. Në kriteret që keni vendosur bie në sy që drejtuesi të ketë një master në ekonomi, a eshte kjo një qasje e re për drejtuesit e rij të institucioneve të arteve e kulturës qe të jenë dhe menaxherë të mirë që institucionet e artit të mos mbeten peng i buxheteve por duhet të gjenerojnë dhe të ardhurat e tyre?

Ministrja e Kulturës, Elva Margariti:

Ka qenë kjo fryma e mendësia që jemi shtyrë për të hartuar kriteret. Në krye të institucioneve tona duhen menaxherë të mirëfilltë.

Patjetër në rastin e Teatrit të Operas jo detyrimisht një artist apo menaxher arti, këto janë kritere të pëlqyeshme, por gjithmonë e më tepër shikojmë që kemi nevojë për frymën e re e të thithjes së sa më shumë fondeve për t’u shkëputur nga varësia totale nga buxheti i shtetit, mën modelin e teatrove në gjiithë botën.

Figurat artistike janë pjesë e vendimmarrjes sic është bordi i teatrit.

Ne në vijim të punës do shohim statutin e rregulloren dhe reformimin e bordit të teatrit të Operas dhe Baletit.

Uroj të ketë përgjigje pozitive nga ata që e ndiejnë jo vetëm artdashës veten dhe të aftë për të menaxhuar asetet e artit dhe të kulturës.