“Unë flas për të gjallët, ju flisni për të vdekurit”/ Berisha i përgjigjet Ramës: Zotohem do ta çoj Ramën aty ku ka vendin

Ish-kryeministri Sali Berisha i është përgjigjur deklaratës së kryeministrit Rama teksa e konsideroi atë si të vdekur.

“Edi Ramën zotohem se do ta nis politikisht atje ku e meriton. Zotohem para të gjallëve”, tha Sali Berisha.

“Shqipëria që thotë Rama ekziston vetëm në realitetin e tij. Realiteti i tij është një realitet që nuk ekziston”, deklaroi Berisha.

“Unë flas për të gjallët, ju flisni për të vdekurit” u shpreh kryeministri Edi Rama, kur u pyet nga gazetarët nëse do të bashkëpunojë me Sali Berishën për presidentin e ri disa dite me pare.

Ish-kryeministri Sali Berisha është kthyer protagonist në arenën poltike, teksa pretendon të marrë dhe drejtimin e Partisë Demokratike, post që e dorëzoi vetë pas humbjes së zgjedhjeve parlamentarë në 2013.

Ndër të tjera, Berisha ka deklaruar se ka marrë më shumë se 15 oferta nga lobistë të tretë për të zgjidhur çështjen e shpalljes non grata nga Shtetet e Bashkuara të Amerikës, por ai i ka refuzuar. Ndërkohë, duke ju referuar fizikut, ai tha se pavarësisht moshës, ndihet më mirë se në 2013.

“Kam pasur 15 oferta. Nëse dikush afrohet për të zgjidhur problemin ligjërisht ai duhet të regjistrohet si lobist. Kam pasur mbi 15 oferta të tilla dhe i kam refuzuar. I kam refuzuar sepse është një vendim zero.Të gjitha akuzat kundër meje kanë qenë politike. Ndaj fëmijëve të mi janë rrëzuar në gjykata.

Sot po shkoj drejt 78 vjetëve. Nëse më pyet si ndihem, ju garantoj se sot ndihem të paktën 15% më mirë se ditën kur jam larguar. Unë jam njeri i pasionuar pas ecjes. Bëj 10 mijë hapa. Në vitin 2013, kur bëja 8 km bëja streçing për të qetësuar dhimbjet”, deklaroi Berisha.