Dritan Abazoviç merr vendimin e parë si kryeministër i Malit të Zi

Dritan Abazoviç, kryeministri i Malit të Zi që nga dita e djeshme, ka njoftuar sot me anë të një postimi në rrjetin social Facebook, vendimin e parë e marrë si kreu i qeverisë.

Ai ka paralajmëruar se duke filluar nga sot, mbledhjet e Qeverisë së kryesuar nga ai do të jenë të hapura për publikun.

“Duke filluar nga sot, seancat e Qeverisë së Malit të Zi do të jenë të hapura për publikun. Duke rritur kështu transparencën e përgjithshme dhe duke forcuar besimin në institucionet e sistemit. Qytetarët duhet të jenë të përfshirë në tërësi në procesin vendimmarrës“, ka shkruar Abazoviç.