Konflikti mes policëve që u kthye në tragjedi, Gledis Nano shkon në komisariat (DETAJE)

Një ngjarje rëndë ka ndodhur në ambientet e brendshme të Komisariat nr. 3 në Tiranë.

Pas një sherri të çastit dy policë kanë qëlluar me armë zjarri njëri-tjetrin. Gazetari Igli Çelmeta tha se ka pasur 6 të shtëna me armë zjarri.

Ndërkohë edhe Drejtori i Përgjithshëm i Policisë së Shtetit Gledis Nano ka mbërritur në Komisariat

Autori Ludian Zaimi, qëlloi në drejtim të Çaush Saliasit, polic i patrullës së Përgjithshme. Ndonëse polici u dërgua në spital, ai nuk mundi t’i mbijetojë plagëve e armës së zjarrit dhe ndërroi jetë në Spitalin e Traumës.

Sakaq brenda Komisariati nr.3 ndodhet autori i cili po merret në pyetje për të shpjeguar shkaqet e kësaj ngjarje të rëndë .

Gjithashtu mësohet se më tyre ka ndodhur një konflikt banal mes autorit e viktimës.

Sakaq autori ka një vit e gjysmë në polici, ndërsa viktima kishte mbi 20 vjet në polici.