Finalja e Ligës së Konferencës/ 18 mijë spektatorë ishin të pranishëm në “Air Albania”

Është zbuluar shifra zyrtare e të pranishmëve në “Air Albania”. Plot 18 mijë e 12 spektatorë, ndoqën nga shkallët e stadiumit, finalen e Ligës së Konferencës mes  Romës dhe Fejnordit, ku italianët triumfuan me rezultatin 1-0 falë golit të Zaniolos në minutën e 32-të.

Edhe pse pritshmëritë ishin më të larta për sa i përket të pranishmëve në impiantin modern, për shkak edhe të shitjeve të të gjithë biletave në kohë rekord, vetëm 18 mijë e 12 spektatorë arritën të futeshin në “Air Albania”, kjo për shkak të arsyeve nga më të ndryshme.