Nisin kërkimet për trupat e pajetë

Një ngjarje e rëndë është shënuar pasditen e kësaj të premte në Tiranë ku dy të mitur janë mbytur në liqenin e Prushit.

Mësohet se ngjarja ka ndodhur rreth orës 18:05 ku dy fëmijë të moshave 11 dhe 13 vjeç janë mbytur në liqen.

Policia njofton se palombarët e RENEA-s kanë nisur menjëherë kërkimet për trupat e pajetë të të miturve.

Efektivët e policisë ndodhen në vendngjarje dhe kanë nisur hetimet për zbardhjen e plotë të ngjarjes.

Njoftimi i policisë:

Sot, rreth orës 18:05, në liqenin e Prushit, janë mbytur dy të mitur të moshës 11 dhe 13 vjeç.

Me marrjen e njoftimit, shërbimet e Policisë kanë shkuar mënjeherë në vendngjarje dhe kanë nisur kërkimet.

Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve.

Grupi hetimor po punon për zbardhjen e plotë të rrethanave të ngjarjes.