Rama sulmon edhe gazetaren bullgare në Bruksel: Jeni një turp!
Kryeministri Edi Rama nuk u përmbajt në Bruksel, teksa u pyet nga mediat në lidhje me mundësinë e hapjes së negociatave.
Me një anglishte të çalë, Rama tha se Bullgaria si vend i NATO-s po merr peng dy vende të tjera të NATO-s.
Por kjo sjellje e turpshme vazhdoi më vonë, kur përpara tij u shfaq një gazetare bullgare.
Duke menduar se është në Shqipëri, Rama e lëshoi gjuhën edhe ndaj saj.
Ai e nxori ndaj saj mllefin për Bullgarinë, duke thënë se është turp kjo që po ndodh.
“Oh, Bullgaria këtu. Jeni rrëmujë ju djema. Një rrëmujë e madhe dhe jeni një turp teksa mbani peng dy vende të tjera të NATO-s. Nuk pres lajme të mira sot, sepse siç e thashë dje u ngrit optimizmi, por këtu jemi dhe është një ditë e re në Europë, por jo në Bullgari”, u shpreh ai.
Keni një histori? Denonco anonimisht, identiteti juaj mbrohet.
Denonco
