Dallëndyshe Bici rikthehet në krye të IKMT-së pas shkarkimit si zv-ministre e Mbrojtjes! Ish-drejtoresha me dosje në Prokurori

Dallëndyshe Bici është rikthyer në krye të IKMT-së pak ditë pas shkarkimit si zv/ministre e Mbrojtjes, duke zëvendësuar në këtë post Ajet Zyberajn.

Bici u emërua në postin e zv/ministres së Mbrojtjes, pas zgjedhjeve parlamentare të 25 prillit. Ky emërim la vakant postin e kryeinspektorit të IKMT-së ku u emërua Zyberaj.

Teksa ka rimarrë postin që mbante para zgjedhjeve, Bici ka një dosje të hapur në prokurori pasi po hetohet për shpërdorim detyre. Ajo akuzohet për prishjen e ndërtimeve me leje në zonën bregdetare.