Sulm me raketa në Ukrainë, uji i lumit bëhet i kuq

Uji i lumit Inhulets, Ukrainë është bërë i kuq dy ditë pasi raketat ruse goditën strukturat hidraulike në Kryvyi Rih.

Sipas “TheGuardian” ky sulm synonte infrastrukturën e qytetit të lindjes së presidentit ukrainas Volodymyr Zelenskiy.

Është e paqartë pse lumi ndryshoi ngjyra pas sulmit, i cili shkaktoi rritjen e nivelit të lumit me pesë metra, duke përmbytur pjesë të qytetit dhe duke nxitur evakuimin.

Por përtej përmbytjeve, banorët e këtij rajoni humbën përkohësisht aksesin në ujin e tyre të rubinetit. Oleksandr Vilkul, kreu i administratës ushtarake të Kryvyi Rih, tha të Premten në Telegram se “furnizimi me ujë i qytetit është stabilizuar”.