I doli emri në sistemin MEMEX, Elisa Spiropali: Fajin e ka Saliu!

Elisa Spiropali ka reaguar së fundmi në lidhje me daljen e emrit të saj nga sistemi MEMEX, sistem ku shkruhen nga policia të gjithë personat e dyshuar në veprimtari kriminale. Sipas Spiropalit, ky nuk ëhstë sistemi Memex dhe këtë e tha dhe policia. Ajo shkruan se edhe për këtë e ka fajin Saliu, i cili sipas saj, po i jep zë këtij skandali.

Spiropali shkruan:

S’ka më jo turp, po as një minimum sensi logjik të kanaleve e të portaleve në raport me publikun, se për ndonjë ndjenjë minimale patriotizmi as bëhet fjalë! Hakerat e një vendi armiqësor me Shqipërinë postojnë lista me emra pa lidhje dhe këtu hidhen gjylet e akuzave absurde! Thotë Saliu lista Memex, vu portalet lista Memex. Përgënjeshtroi Policia nuk është lista Memex, por lajmet e portaleve mbetën. Shkurt, e hodhën ata një gur në lumë dhe tani o burra të gjejmë ç’lidhje ka Elisa, Niko, Mimi e të tjerë apo edhe disa gazetarë në listën e të dyshuarve të Policisë! Kanë vetëm një lidhje: Lidhjen mes keqdashësisë së atyre që e hedhin gurin dhe ligësisë së atyre që gjoja s’e nxjerrin dot! Qesharake!