Çlirimi i Tiranës, Ilir Meta: Sot është ditë reflektimi. T’ia kthejmë qytetarëve lirinë e cenuar nga uzurpatorët

Kryetari i Partisë së Lirisë, Ilir Meta ka bërë një reagim në rrjetet sociale në ditën e çlirimit të Tiranës duke e cilësuar këtë një nga ngjarjet më madhore të luftës anti fashiste.

Meta shprehet se sot është një ditë reflektimi për t’u kthyer qytetarëve të Tiranës lirinë e cenuar nga uzurpatorët.

“Çlirimi i kryeqytetit tonë mbetet një nga ngjarjet më madhore të Luftës Antifashiste. Përjetë mirënjohës të gjithë atyre partizanëve që luftuan për çlirimin e Tiranës dhe në veçanti dëshmorëve që dhanë jetën e tyre. Mirënjohje gjithmonë qytetarëve të Tiranës që ngritën barrikadat dhe i kthyen shtëpitë e tyre në kështjella kundër pushtuesve.

Sot është edhe një ditë reflektimi për t’iu kthyer qytetarëve të Tiranës lirinë e cënuar nga uzurpatorët. Tirana do të jetë më mirë!”,shkruan Meta.