EMRAT/ Zgjidhen me short 9 anëtarët e KED

Shorti u hodh në ambientet e Presidencës, ndërsa gjatë kësaj procedure morën pjesë Avokatja e Popullit, në cilësinë e vëzhguesit, Kryetari i Këshillit të Lartë të Prokurorisë, zëvendëskryetari i Këshillit të Lartë Gjyqësor, përfaqësues nga Kuvendi i Shqipërisë, Gjykata Kushtetuese si dhe nga dhe Delegacioni i Bashkimit Europian në Shqipëri dhe OPDAT.

Nga hedhja e shortit u përzgjodhën si anëtarë të KED:

1-  Altin Binaj                          Gjyqtar në Gjykatën Kushtetuese

2- Fjona Papajorgji                   Gjyqtare në Gjykatën Kushtetuese

3- Sandër Simoni                      Gjyqtar në Gjykatën e Lartë

4- Arqilea Koça                        Prokuror nga Prokuroria e Përgjithshme

5- Fuat Vjerdha                         Gjyqtar në Gjykatat e Apelit

6- Engert Pëllumbi                     Gjyqtar në Gjykatën e Apelit

7- Arta Marku                           Prokurore nga Zyrat e Prokurorive pranë Gjykatave të Apelit

8- Gjon Fusha                          Prokuror nga Zyrat e Prokurorive pranë Gjykatave të Apelit

9- Enerjeta Shehaj (Deraj)        Gjyqtare nga Gjykatat Administrative

Përveç nëntë anëtarëve, në përputhje me përcaktimet ligjore, shorti përcaktoi edhe gjashtë anëtarët zëvendësues të KED, si më poshtë:

1- Vitore Tusha                         Gjyqtare në Gjykatën Kushtetuese

2- Albana Boksi                        Gjyqtare në Gjykatën e Lartë

3- Alma Muça                          Prokurore nga Prokuroria e Përgjithshme

4- Genti Shala                          Gjyqtar në Gjykatat e Apelit

5- Moisi Duda                          Prokuror nga Zyrat e Prokurorive pranë Gjykatave të Apelit

6- Elda Vrioni                          Gjyqtare nga Gjykatat Administrative

Këshilli i Emërimeve në Drejtësi (KED) është organ i pavarur, i parashikuar në Kushtetutë, që kryen verifikimin e kushteve ligjore dhe vlerëson kriteret profesionale e morale të kandidatëve për Inspektor të Lartë të Drejtësisë si dhe të kandidatëve për anëtarë të Gjykatës Kushtetuese.  KED përbëhet nga nëntë anëtarë, të përzgjedhur me short nga radhët e gjyqtarëve dhe prokurorëve, të cilët plotësojnë kushtet dhe kriteret ligjore.