Indonezia ndalon seksin jashtë martesor

Parlamenti i Indonezisë miratoi të martën një kod të ri penal që ndalon seksin jashtë martesës me një dënim deri në një vit burg, pavarësisht shqetësimeve që ligjet mund të trembin turistët nga brigjet e saj tropikale dhe të dëmtojnë investimet.

Kodi i ri, i cili do të zbatohet si për indonezianët ashtu edhe për të huajt, ndalon gjithashtu bashkëjetesën mes çifteve të pamartuara.

Ligjet u miratuan me mbështetjen e të gjitha partive politike.

Megjithatë, kodi nuk do të hyjë në fuqi për tre vjet për të lejuar hartimin e rregulloreve zbatuese. Aktualisht, Indonezia ndalon tradhtinë bashkëshortore, por jo seksin paramartesor.