Alimehmeti pranë Belind Këlliçit për fitoren e 14 majit

Alimehmeti, së bashku me anëtarë të tjerë të Partisë Demokratike ka qenë dje i pranishëm në ceremoninë e zhvilluar për 32-vjetorin e themelimit të Partisë Demokratie. Alimehmeti në një postim në rrjete sociale ka shpërndarë foto në të cilat shfaqet pranë fituesit të primareve në Tiranë, Belind Këlliçit. Mjeku ka shprehur mbështetjen e tij ndaj Këlliçit, teksa thotë se do të jetë pranë tij kurdo t’i nevojitet për të fituar zgjedhjet lokale për bashkinë e Tiranës.

“Gëzuar 32-vjetorin e pluralizmit politik në Shqipëri falë Partisë Demokratike! Në 1990, rinia hodhi poshtë një sistem totalitar. Në 2022, rinia mblidhet sërish bashkë kundër një sistemi totalitar. Hapi i parë: në krah të z. Këlliçi për të fituar në zgjedhjet lokale të Bashkisë së Tiranës, me mbështetje dhe këshillë sado dhe kurdo të nevojiten. Të vendosur për të fituar”, shkruan Alimehmeti..