Nuk hetuan Arben Ahmetajn! “Provat për pagesat e Zotos nuk bindën prokurorët”

Në këtë mars të këtij viti SPAK morri si provë e-mailet që ndodheshin në kompjuterin e Klodian Zotos. Në këto të dhëna u zbuluan pagesat që bënte Klodian Zoto për zyrtarë, për udhëtime dhe akomodimin në hotele luksoze, në këmbim të rregullimit të dokumenteve dhe finalizimin e koncensionit të inceneratorëve, ku përfitues ishte Zoto. Zoto u ka paguar akomodimin në hotele Arben Ahmetajt, si dhe Etleva Kondit, ish-drejtore në kohën kur Ministria e Energjetikës drejtohej nga Damian Gjiknuri dhe anëtare e Komisionit të Vlerësimit të Ofertave për inceneratorët. Ndërkohë sipas Top Channel Prokurorisë së Posaçme SPAK i ka mjaftuar vetëm 13 ditë hetime për të konkluduar se denoncimi i gazetarit Adriatik Doçi ndaj dy prokurorëve Eneid Nakuçi dhe Klodian Braho duhej mbyllur.

Në datën 22 dhjetor SPAK vendosi mosfillimin e hetimeve ndaj dy prokurorëve që hetuan dosjen e inceneratorëve dhe që dorëzuan në gjykatë 10 të pandehur , por që sipas gazetarit Doci sakaq ata kishin shpërdoruar detyrën dhe penguar zbulimin e të vërtetës sa kohë nuk kishin vlerësuar njësoj provat ndaj ish ministrit të financave Arben Ahmetaj. Gazetari Doçi denoncoi pagesat disa milionëshe të kryera nga i akuzuari Klodian Zoto ku mbuloheshin udhëtime dhe akomodime në hotele luksoze të Ahmetaj dhe bashkëshortes së tij, prova këto të nxjerra nga një akt ekspertizë. në vendimin e mos fillimit deklarohet se nuk rezulton që dy prokurorët të kenë shpërdoruar detyrën mbasi aktet janë ndarë . por njëherazi argumentohet se procesi i çmuarjes së provës është një proces i ndërlikuar pasi përbërës të tij janë jo vetëm komponentët juridikë por edhe ata të brendshëm dhe psikologjikë.