Çfarë u sekuestrua në qelinë e burgut grek ku vuan dënimin Alket Rizai?

Forcat Speciale greke kanë zhvilluar sot një aksion në burgun e Domokos, ku ndodhet edhe shqiptari Alket Rizai.

Policia helene sqaron se kontrolle janë bërë në 7 qeli ku mbahen 17 të burgosur, ndërsa janë evidentuar sende të paligjshme në qelitë e 12 të burgosurve.

Gjatë kontrolleve u gjetën dhe sekuestruan 5 hekura të improvizuara dhe 2 metalike, 7 kaçavida, 2 thika, shkop i përbërë nga tre pjesë të bashkuara dhe të lidhura me leckë, 5 celularë me karta SIM, 8 karikues dhe 3 fisha USB, 17 USB, orë smartwach me karikues, 4 pirunë metalikë, kufje me fish dhe pa fish, 2 tehe, brisk i improvizuar dhe brisk i vendosur në një cope druri.