Jepet masa e sigurisë për 46-vjeçarin me armë e shtëpi bari

Sot është dhënë masa e sigurisë për shtetasin F.K., 46 vjeç, i cili u kap në Shijak me shtëpi bari dhe arsenal armësh.

Ndaj tij është vendosur masa e sigurisë “arrest me burg”.

Ndërkohë, kujtojmë se në kërkim është vëllai i tij S.K., i cili sipas sistemit TIMS ndodhet në Itali.

Ndër të tjera avokati i 46-vjeçarit, sipas mediave është shprehur se klienti i tij, e kishte ndërtuar shtëpinë e barit për të mbuluar shpenzimet për një ndërhyrje kirurgjikale.

“Klienti im është invalid, prandaj kishte ndërtuar këtë ‘laborator’, për të nxjerrë shpenzimet për një operim qe duhet të kryente. Ndërhyrja kirurgjikale kushton më tepër. Në lidhje me armët kanë mbetur që nga ’97 dhe nga kontrolli ato armë janë të pluhurosura dhe kjo është konfirmuar.”- tha avokati Aleksandër Ndrejaj.