Skandali/ SPAK e kërkon aktakuzën ndaj McGonigal nga një deputet

Më shumë se një javë pas shpërthimit të skandalit Rama-McGonigal, SPAK është bërë i gjallë.

Edhe pse duhej të kishte kërkuar që ditën e parë informacione nga homologët e tyre amerikanë për skandalin më të rëndë në historinë e marrëdhënieve mes dy vendeve, SPAK ka zgjedhur të heshtë.

Ndërkohë sot, Prokuroria e Posaçme i ka kërkuar deputetit Gazment Bardhi që t’u dërgojë aktakuzën ndaj Charles McGonigal, të ngritur nga autoritetet hetimore amerikane.

Letra e SPAK vjen pasi bardhi kishte kërkuar që ata të nisnin hetimet ndaj kryeministrit Edi Rama për korruptim të zyrtarëve të huaj.

Ndërkohë SPAK nuk ka sqaruar se a kanë pasur ndonjë komunikim me autoritetet amerikane për këtë skandal të rëndë.

Për këtë çështje ka heshtur edhe ambasada amerikane.