KUVEND/Deputeti i Partisë Socialiste voton edhe për kolegun! Shihni momentin

VIDEO 🎥

Seanca e sotme plenare duhej të vijonte normalisht me interpelancën e regjistruar me kryeministrin Edi Rama, thirrur nga opozita për çështjen “McGonigal”.

Por mungesa e tij në Parlament solli kaos dhe debate të forta mes deputetëve të opozitës dhe atyre të mazhorancës, të cilët kërkonin praninë e kreut të qeverisë.

Pavarësisht kaosit, mazhoranca vijoi e pashqetësuar seancën parlamentare, ku në mungesë të zhvillimit të interpelancës, kaloi në miratimin e projektligjeve.

Në këtë moment ka ndodhur një gjë e pazakontë në anën e socialistëve. Teksa votohej në mënyrë elektronike, deputeti i Partisë Socialiste, Baftjar Zeqaj ka votuar edhe në mungesë të një prej kolegëve të tij.

Siç shihet nga pamjet e publikuara, deputeti socialist voton edhe për vete, edhe për kolegun në krah, i cili në momentin e votimeve nuk ishte i pranishëm në sallë. Nuk dihet se cili është deputeti apo deputetja që mungonte.

Nëse ky veprim i deputetit vërtetohet, atëherë kjo përbën një shkelje të rëndë të rregullores së Kuvendit.