Prokurorë të SPAK, policë, zyrtarë/ Zbulohet lista e plotë e ‘Aktivistëve’, i detyrojnë t’i bëjnë ‘Like’ Edi Ramës

Skandali ndjek skandalin. Nga patronazhistët te aplikacioni ‘Aktiv1st’.

Edi Rama nuk ndalet në përpjekjen e tij të çmendur për të patur nën kontroll çdo gjë, edhe lirinë dhe veprimin e qytetarëve, pasi ka shtënë në dorë çdo institucion dhe zyrë të shtetit.

Kjo ishte e parashikueshme deri diku, pasi alarmi për rrëshqitjen në totalitarizëm ka kohë që është lëshuar.

Syri.net ka siguruar të plotë listën e Aktiv1stëve që kontrollon Edi Rama. Mijëra punonjës të administratës janë detyruar të përdorin aplikacionin.

Skandali bëhet edhe më i madh kur në zbulohen emrat e njerëzve të drejtësisë dhe policisë së shtetit si aktivistë të Edi Ramës.

Pjesë e aplikacionit janë prokurorë në rrethe, por edhe njerëz që përbëjnë SPAK-un e lavdëruar nga ambasadorja amerikane Yuri Kim si të pamanipulueshëm dhe të pavarur. Në fakt e kundërta po faktohet çdo ditë e më tepër.

Në listë janë punonjës të Policisë së Shtetit, ndër ta funksionarë të lartë të drejtorive në qarqe.

Mjekë, infermierë apo dhe mësues janë pjesë e gjurmimit nga PS. Gjithashtu, lista përbëhet nga punonjës të tatimeve, doganave.

Nuk mungojnë as të punësuar në sektorin privat të cilët i kanë detyruar të jenë pjesë e aplikacionit Aktiv1st-i i PS, ku shtrëngohen t’i bëjnë Like, Share dhe komente Edi Ramës për postimet që shpërndan në rrjetet sociale.