Dimal, hajduti i ikën policisë pasi vodhi lekët dhe celuarin

Një rast i grabitjes së një shtëpie ka ndodhur në Dimal. Persona të paidentifikuar kanë vjedhur banesën e shtetasit me iniciale P. Xh., 64 vjeç. Hajdutët të cilët kanë kryer vjedhjen dhe u kanë ikur me vrap policisë, i kanë grabitur 64-vjeçarit një shumë parash në një banesë në Dimal. Policia thotë se autorët i kanë marrë çelësin pronarit të banesës dhe më pas kanë hyrë brenda duke vjedhur një shumë monetare prej 150 mijë lekësh të reja.

Njoftimi i Policisë:

Gjatë natës, në fshatin Goriçan, Dimal, dyshohet se shtetas ende të paidentifikuar, të cilët kishin siguruar çelësin e derës së banesës së shtetasit P. Xh., 64 vjeç, kanë hyrë në këtë banesë, duke hapur derën me çelës, dhe kanë marrë rreth 150 000 lekë të rinj, telefonat e të zotëve të banesës dhe janë larguar. Menjëherë pas njoftimit për këtë rast, shërbimet e Policisë kanë shkuar në vendin e ngjarjes. Grupi hetimor, nën drejtimin e Prokurorisë, po punon intensivisht për zbardhjen dhe dokumentimin e plotë të rrethanave të ngjarjes dhe identifikimin e autorëve. Vijojnë kontrollet në terren dhe në ambiente të ndryshme, me qëllim kapjen e autorëve dhe vënien e tyre përpara përgjegjësisë penale.