“Vendimi i Zhukrit nuk ekziston më”, përfaqësuesi i grupimit të Alibeajt: Organet legjitime të PD janë ato që përcakton Statuti.

Rezart Kthupi, një nga përfaqësuesit ligjor të grupimit të Alibeajt, në fjalën e tij për mediat jashtë godinës së Gjykatës së Apelit ka deklaruar se vendimi i marrë në Gjykatës së Shkallës së Parë nga gjyqtari Agron Zhukri nuk ekziston më dhe se çështja është rikthyer në Shkallën e Parë për rigjykim.

Kujtojmë se vendimi i Shkallës së Parë njihte Komisionin e Rithemelimit si legjitim për drejtimin e PD.

“Vendimi i gjyqtarit është nul do rikthehemi për rigjykim. Vendimi Zhukri nuk ekziston më. Organet legjitime të PD janë ato që përcaktohen nga Statuti. Kryetari i PD është ushtruesi i detyrës, Enkelejd Alibeaj”, tha ai.