Celibashi: Të drejtën për të kërkuar regjistrimin e PD në zgjedhjet e 14 majit e ka Lulzim Basha

Kreu i KQZ, Ilirjan Celibashi teksa shqyrton kërkesat për resgjirtimin e Partisë Demorkatike në zgjedhjet e 14 Majit është shprehur se të drejtën për të kërkuar regjistrimin e partisë në zgjedhje e ka Lulzim Basha.

Kreu i KQZ, Ilirjan Celibashi po shqyrton dy kërkesat e përfaqësuesve të PD, për regjistrimin e partisë në zgjedhjet e 14 Majit.

Sipas Clibashit, në perceptimin e tij kreu i PD është Sali Berisha, por kjo duhet të pasqyrohet në një dokument zyrtar.

“Në perceptimin tim Sali Berisha është kryetar i PD por nuk ndryshon asgjë në përputhje me ligjin.

Dokumentet tregojnë se kush përfaqëson partinë”, tha Celibashi.

Sa i përket dokumentacionit të dorëzuar në KQZ nga Basha, Celibashi tha se është i paplotë.

“Dokumentacioni i grupit të Bashës nuk është i plotë. Akti autorizues duhet të jetë i qartë”, tha Celibashi