‘Ky 5-lekësh duhet të qëndrojë përgjithmonë në oborrin e TCH

Eksperti i kriminologjisë, Ervin Karamuço, ka reaguar pas ngjarjes së rëndë të ndodhur në oborrin e Top Channel, ku u vra roja i sigurisë Pal Kola.

Ai ka publikuar fotografinë e një monedhe 5-lekëshe që u gjet në tokë dhe kishte rënë nga xhepi i 60-vjeçarit.

“Ky 5-lekësh duhet të qëndrojë përgjithmonë në oborrin e Top Channel. Ishte e vetmja monedhë që ra nga xhepi i të ndjerit Pal… S’kam fjalë…”, shkruan Karamuço.

Roja i sigurisë ka qenë duke u ngrohur pranë një ngrohëse që ka pasur brenda kabinës në momentet kur është qëlluar me breshëri plumbash.