Kamëz/ 15-vjeçari i ngul thikën bashkëmoshatarit pas përplasjes fizike

Një ngjarje e rëndë raportohet të ketë ndodhur mesditën e sotme në zonën e Kamzës, saktësisht në Paskuqan, ku një 15-vjeçar në sherr e sipër, ka goditur me thikë moshatarin e tij, duke e lënë të plagosur. I mituri është dërguar në spital për mjekim të specializuar

Ngjarja ka ndodhur në shkollën “Jashar Hoxha”, teksa mësohet se autori i ngjarjes është arrestuar nga policia. Në vijim pritet të mësohet më shumë për rrethanat e kësaj ngjarjeje, që tregon edhe pjesën e errët të shkollave tona, ku jeta e fëmijëve nuk është aspak e sigurt.

NJOFTIMI – Kamzë/Informacion paraprak. Më datë 30.03.2023, në Paskuqan, në shkollën “Jashar Hoxha”, janë konfliktuar dy nxënës shkolle, dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve. Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes.