Zyrtarët ukrainas: Nëse rimarrim Krimenë do të çmontojmë urën 12 milje drejt Rusisë

Zyrtarët ukrainas, sipas mediave të huaja, kanë thënë se do të çmontojnë një urë prej 12 miljesh që bashkon Krimenë me Rusinë nëse ata rimarrin gadishullin.

“Ukrainasit që kanë punuar për administratën e emëruar nga Moska mund të ndiqen penalisht”, tha Oleksiy Danilov, sekretari i Këshillit të Sigurisë Kombëtare dhe Mbrojtjes të Ukrainës.

“Qytetarët rusë që u shpërngulën në Krime pas vitit 2014 do të dëbohen”, tha Danilov në planet e publikuara, ndërsa ushtria përgatitet për një kundërofensivë pranverore.

Në përgjigje, kreu i Sevastopolit i emëruar nga Moska, Mikhail Razvozhayev, tha: “Do të ishte e gabuar të trajtoheshin seriozisht komentet e njerëzve të sëmurë”.

Ai i tha agjencisë shtetërore ruse të lajmeve Tass: “Ata duhet të kurohen, dhe kjo është ajo që ushtria jonë po bën tani”.

Ura, e cila është më e madhja në Evropë, u dëmtua nga një kamion bombë në tetor, megjithëse Ukraina nuk mori përgjegjësinë.

Rusia që atëherë ka riparuar urën dhe ka rivendosur rrjedhën e furnizimeve ushtarake në Krime.