VLORË/Sherri për celularin, 34-vjeçari godet me thikë qytetarin

Një 34-vjeçar është arrestuar në Vlorë, pasi ka goditur me thikë një burrë.

Mësohet se shtetasi Ardit Trushi pas sherrit për shitje e blerje celulari, ka plagosur me thikë 47-vjeçarin, Erjon Memushaj.

I riu është dërguar me urgjencë në spital dhe nuk dihet ende gjendja e tij shëndetësore.

Njoftimi i policisë:

Goditi me mjet prerës (thikë), një shtetas, falë reagimit të menjëhershëm, shërbimet e Policisë kapin autorin e dyshuar. Rreth orës 12:55, në lagjen “28 Nëntori”, dyshohet se gjatë një konflikti për motive të dobëta, shtetasi A. T., 34 vjeç, ka goditur me mjet prerës (thikë), shtetasin E. M., 47 vjeç.
Shërbimet e Policisë kanë kapur autorin e dyshuar të ngjarjes, shtetasin A. T., dhe e kanë shoqëruar atë në ambientet e Komisariatit të Policisë Vlorë.
Shtetasi E. M. ndodhet në spital, në kujdesin e mjekëve.
Vijon puna e grupit hetimor, për sqarimin e plotë të rrethanave të ngjarjes.