U rrëzua nga biçikleta, kush është turistja 78-vjeçare që humbi jetën në Përmet

Hilda Maria është turistja 78-vjeçare që humbi jetën ditën e sotme në Përmet.

Turistja austriake humbi jetën gjatë një krosimi me biçikletë në rrugën kombëtare Përmet-Çarshovë, në vendin e quajtur “Kthesa e Zhepes”.

78-vjeçarja u rrëzua me biçikletë nga një lartësi e madhe dhe pavarësisht ndërhyrjes së ambulancës ajo nuk mundi të mbijetojë.

Vdekja e turistes austriake, vjen pak ditë pasi një turiste gjermane u aksidentua për vdekje në Prrenjas, një turist holandez humbi jetën në kanionet e Osumit dhe dy turiste humbën jetën gjatë eksplorimit të Valbonës.