Si mori grabitësi shqiptar pasaportë britanike?

Në ’97 i zuri pritë me armë një furgoni

Të marrësh leje qëndrimi në Britani është e vështirë, për pasaportë akoma edhe më e vështirë. Por Arsim Murati, një 46-vjeçar i dënuar në mungesë për grabitje në Shqipëri ka arritur të marrë pasaportë dhe leje qëndrimi në Britani.

Daily Mail shkruan se në nëntor 1997, Murtati, me katër persona të tjerë i zunë pritë një furgoni ku pasi qëlluan me armë grabitën të gjithë udhëtarët. Ai u arratis dhe u dënua në mungesë me 11 vjet burg. Në vitin 2009 pas arrestimit u deportua në Shqipëri për të vuajtur dënimin.

Por, pavarësisht se emri i tij qarkullonte si person me precedent penal, gjashtë vjet më vonë, ai u kthye në Britani ku rinovoi pasaportën e vjetër si kosovar i ikur nga lufta dhe regjistroi një biznes me identitetin e rremë, të cilin më pas e kaloi në emrin e tij të vërtetë.

Ai fajësoi për dënimin e tij ‘politikën shqiptare’ përpara se të pretendonte në mënyrë të rreme se zgjodhi të kthehej në shtëpi, duke thënë: ‘Nuk e kam kryer dënimin sepse nuk jam fajtor’.

Por dokumentet e gjykatës shqiptare tregojnë se ai u dënua më 16 janar 2009 dhe u burgos deri në lirimin e tij më 13 janar 2015.

Nuk është e qartë nëse Murtati u kthye legalisht në Britaninë e Madhe pasi kreu dënimin në Shqipëri.  Ai refuzoi që të përgjighet për këtë gje.