Gjykata Kushtetuese pranon kërkesën e deputetes Zhupa: Qeveria duhet të bëjë publike komunikimet me UNESCO-n

Qeveria shqiptare duhet të publikojë komunikimet e saj me UNESCO-n gjatë procesit të dhënies me koncesion të Parkut të Butrintit. Kjo ishte kërkesa e vetme e deputetes demokrate Ina Zhupa që u pranua në seancën e mbajtur sot në Gjykatën Kushtetuese.

Pas pranimit të kësaj kërkese, një seancë e re në lidhje me çështjen e Parkut të Butrintit do të caktohet pas datës 25 korrik.

Ina Zhupa pretendon se qeveria ka mashtuar UNESCO-n gjatë bisedimeve për Parkun e Butrintit. Ajo kërkon transparencë dhe hapurësi në lidhje me këto komunikime dhe procedurat për dhënien me koncesion të këtij parku kulturor të rëndësishëm.