Temperaturat e larta do të sjellin dhe zjarre të mëdha, Peleshi këshillon qytetarët: Dy duar për një kokë….

Viti që shkoi ishte një vit i zi për pyjet dhe kullotat, qindra hektarë tokë u dogjën gjatë verës, pasi qeveria nuk mori masat e duhura dhe nuk kishte kapacitetin për të ndërhyrë. Madje, edhe avionët e blerë për të shuar zjarret nga ajri nuk u përdorën kurrë, edhe pse Ministri i Mbrojtjes, Peleshi, kishte premtime të ndryshme për ta zgjidhur këtë problem me satelitë në vitin 2023.

Në përgjigje ndaj kritikave të medias, Peleshi pretendoi se avionët ishin në riparim, por duket se realiteti ishte ndryshe, pasi ato nuk u mobilizuan për t’u përballur me shkatërrimin e flakëve. Ministria e Mbrojtjes duket se nuk ka bërë asnjë përpjekje për të parandaluar zjarrin dhe ka lënë vendin në mëshirë të fatit përballë kësaj tragjedie natyrore.

Peleshi tani u drejtohet qytetarëve nëpërmjet një postimi në Facebook, duke iu kërkuar të kenë kujdes vetë nga zjarret dhe të jenë përgatitur përballë rreziqeve. Për të shfaqur përkujdesje për situatën, ministri ka përdorur shprehjen “dy duar për një kokë”, që nënkupton se shteti nuk është në gjendje të ofrojë ndihmë të mjaftueshme.

Situata e vazhdueshme e zjarreve thekson një mungesë të dukshme të koordinimit dhe përgjegjësisë ndaj kësaj sfide të madhe. Ndërkohë që Peleshi rikujton premtime të mëparshme për të mbrojtur vendin nga zjarret me satelitë, duket se situata ka shkuar në një kryqëzim ku qytetarët do duhet të angazhohen për t’i përballuar fatkeqësitë natyrore me ndihmën e tyre, pasi ndërhyrja shtetërore nuk është e mjaftueshme.