Rama kërkon ndryshime radikale në qeveri, përgëzon Ballën për punë të mirë

Deputetja e Kukësit Gerta Duraku dhe i Devollit Ilir Topi nuk kanë folur asnjëherê në kuvend

Kryeministri Edi Rama në fjalën e tij në Asamblenë Kombëtare të PS-së, ka paralajmëruar se në ditët në vijim do të merret me qeverinë. Ai ka paralajmëruar ndryshime radikale.
Rama i ka shtyrë ndryshimet e thella në qeveri për në muajin shtator, ku pritet të mbahet dhe Kongres i Jashtëzakonshëm i PS-së.
Këtë e ka konfirmuar vetë në mbledhjen e Asamblesë ku ka paralajmëruar edhe ndryshimet e mëdha në qeveri. Kryeministri ka kritikuar disa nga deputetët që nuk i njeh njeri por as nuk i ka degjuar të flaisin një herë të vetme.

Rama është ndalur tek deputetja e Kukësit Gerta Duraku .

Sipas Ramës deputetja e veriut nuk shkon as pranë elektoratit të saj, pa për të folur një herë në parlament as që bëhet fjalë!

Njē deputet tjetër nga radhët e mazhorancës që ka përmendur Rama ka qënë edhe deputeti i Devollit Ilir Topi.

Edhe deputeti Topi nuk di dhe nuk flet në parlament, por të paktën mbledh vota në zonën e tij, -ka thënë Rama. Por sipas informacioneve tona, kryeministri ka përgezuar pêr një fillim të mbarë ministrin e Brenshëm Taulant Balla duke e inkurajuar në punën e tij. Ndryshimet pritet të piketohen në Tepelene gjatë mbledhjes orej dy ditësh . Po ashtu edhe shkarkimi i ministres Ibrahimaj ështe thjeshtë çeshtje kohe dhe ështê lënë për në shtator formatimi i “qeverisë së re”.

Burime nga Asambleja e PS bëjnë të ditur se struktura drejtuese e PS do të plotësohet në shtator.

Vetëm Damian Gjikuni është zëvendësuar dhe postin e tij si sekretar i përgjithshëm e ka marrë Blendi Klosi.

Sekretarët e shkarkuar:

1-Sekretari për Organizimin, Blendi Klosi
2-Sekretari për Çështjet Ligjore dhe Zgjedhore, Eridian Salianji
3-Sekretare për Burimet Njerëzore Anila Denaj
4-Sekretare për Koordinimin, Blerina Gjylameti
5-Sekretari Dixhital, Etjen Xhafaj
6-Sekretare për Gruan, Etilda Gjonaj
7-Sekretare për Marrëdhëniet me Jashtë, Romina Kuko
8-Sekretari për Migracionin, Laert Duraj

Po ashtu, sot në mbledhjen e Asamblesë së Partisë Socialiste u mor edhe vendimi për të emëruar Bledi Çuçin si kryetar të Grupit Parlamentar të PS.

Çuçi e komentoi shkurt emërimin e tij, duke thënë për gazetarët se “është një përgjegjësi e madhe”.

Ndërsa Damian Gjiknuri i pyetur nga gazetarët për shkarkimin nga posti i Sekretarit të Përgjithshëm të PS, duke thënë se “më e mira do të bëhet”.

“Në ditët në vijim do merrem me qeverinë”, mësohet të jetë shprehur Rama në mbledhjen e Asamblesë Kombëtare të PS-së