Kryeministrja italiane ndahet nga partneri, plasin memet ne rrjet : “E ndau dhe Melonin nga burri”

Kryeministrja e Italisë Giorgia Meloni është ndarë nga Andrea Giambruno, me të cilin ndanë së bashku një martesë 10-vjeçare.

Gjatë verës kryeministrja italiane ishte me pushime ne Vlorë dhe Dhërmi ku u takua me Ramën.  Pas këtij lajmi në rrjet ka plasir humori. Gazetari Klodian Tomorri shkruan me humor : E ndau dhe Melonin nga burri!Po me interesantë janë komentiesir

Lajmin e ka bërë  të ditur vetë Meloni, e cila në një postim në Instagram ku ndau një foto me të dhe vajzën e tyre shtatëvjeçare. Ajo e ka falenderuar për vitet që kanë kaluar së bashku dhe se do të mbronte miqësinë dhe vajzën e tyre. Kryeministrja zbuloi se lidhja e tyre kishte kohë që ishte e krisur.

“Marrëdhënia ime me Andrea Giambrunon, e cila zgjati gati dhjetë vjet, përfundon këtu. E falënderoj për vitet e mrekullueshme që kaluam së bashku, për vështirësitë që kaluam dhe që më dha gjënë më të rëndësishme në jetën time, që është vajza jonë Ginevra. Shtigjet tona kanë ndryshuar për ca kohë dhe ka ardhur koha ta pranojmë atë. Unë do të mbroj atë që ishim, do të mbroj miqësinë tonë dhe do të mbroj, me çdo kusht, një vajzë shtatëvjeçare që e do nënën e saj dhe e do babanë e saj, ashtu siç nuk munda të dua unë timin. Nuk kam asgjë tjetër për të thënë për këtë. Ps. Të gjithë ata që shpresonin të më dobësonin duke më goditur në shtëpi, duhet ta dinë se sado që pika e ujit shpreson të nxjerrë gurin, guri mbetet gur dhe pika është vetëm ujë”, ka shkruar Meloni.

Ndarja e çiftit vjen pas një sërë komentesh të turpshme jashtë transmetimit nga Giambruno,  i cili u regjistrua duke bërë komente të seksiste, duke përfshirë një propozim “treshe” dhe duke pyetur një kolege femër “Pse nuk të takova më herët?”. Komentet u transmetuan nga programi televiziv satirik italian Striscia la notizia dhe u bënë shpejt virale.

Andrea Giambruno, i lindur në Milano në 1981, është katër vjet më i ri se Giorgia Meloni. Takimi i tyre i parë datën në vitin 2014, në prapaskenat e një transmetimi, autor i të cilit ishte Giambruno. Të dy janë shprehur se ishte një dashuri me shikim të parë.

Giorgia Meloni është shprehur më parë për të se ai është një baba fantastik, shumë i pranishëm. “Ai kalon një javë në muaj në Milano, por kur është këtu punon pothuajse gjithmonë në mbrëmje dhe kalon shumë me Ginevrën gjatë ditës. Ndihmojmë njëri-tjetrin, plotësojmë njëri-tjetrin”, ka thënë ajo.