Aksident me të plagosur në Rrugën e Kombit/ Dy automjete përplasen midis tyre

Një aksident rrugor është regjistruar këtë të diel në aksin nacional Rrëshen-Rubik, pjesë e Rrugës së Kombit.

Dy automjete janë përplasur midis tyre, ndërsa njëra është përmbysur në mes të rrugës. Për pasojë, disa persona kanë mbetur të plagosur.

Pas ngjarjes, forcat e rendit kanë shkuar në vendin e aksidentit për të sqaruar rrethanat.