Fier/ 28-vjeçarja me “Toyota” përplas për vdekje një burrë

Përditësuar më 29 Tetor 2023, 21:12

Një aksident tragjik ka ndodhur mbrëmjen e sotme në Fier.

Mësohet se në aksin rrugor Plug-Savër, një 28-vjeçare ka përplasur për vdekje një 65-vjeçar.

Ky i fundit ka humbur jetën në vendngjarje, ndërsa ende nuk dihet identiteti i tij.

Nga ana tjetër, e reja në timon nuk ka rezultuar nën efektin e alkoolit.

Njoftimi i Policisë:

Fier/Informacion paraprak

Më datë 29.10.2023, në aksin rrugor Plug-Saver, shtetasja A. J., 28 vjeçe, duke drejtuar automjetin tip “Toyota”, ka askidentuar një shtetas ende të paidentifikuar, rreth 65 vjeç, i cili si pasojë ka ndërruar jetë në vendngjarje.

Drejtueses së automjetit i është bërë testi i alkoolit dhe ka rezultuar që nuk kishte konsumuar pije alkoolike.

Grupi hetimor nën drejtimin e Prokurorisë po punon për sqarimin e rrethanave të aksidentit, si dhe identifikimin e 65-vjeçarit që humbi jetën.