Pezullohen tragetet e linjës Durrës-Bari, ndalohet edhe flota

Është pezulluar linja e trageteve që operojnë në linjën Durrës-Bari, si pasojë e kushteve hidrometeorologjke të përkeqësuar. Forca e detit arrin deri në 8 ballë, me një lartësi dallge deri në 3.5 metra.

Pezullimi i lundrimit u njoftua nga ana e kapitenerisë së Portit të Durrësit.

Krahas trageteve është ndaluar edhe lundrimi i anijeve tregtare si edhe flota e peshkimit që operon përgjatë bregdetit shqiptar.

Ndërkohë, ekuipazhi i mjeteve lundruese është njoftuar që të marrin masa për sigurimin e tyre me qëllim shmangien e situatave dhe incidenteve detare përgjatë 48 orëve të fundit.