Tiranë, një efektiv i Policisë së Shtetit ka tentuar vetëvrasjen

Një efektiv i Policisë së Shtetit ka tentuar vetëvrasjen ditën e sotme në Tiranë.

Mësohet se efektivi 50-vjeçar ka qëlluar veten me armën e shërbimit, dhe ndodhet në gjendje kritike për jetën.

Ngjarja e rëndë ka ndodhur në rrugën “Babë Rexha” të kryeqytetit, ku polici jetonte i vetëm pasi ishte i divorcuar.

Sakaq dyshohet se polici ndodhej edhe në vështirësi ekonomike për shkak të borxheve që kishte.

Efektii  i policisë  është pjesë e Komisariatit nr.2. 50-vjeçari ka qëlluar veten me armë në zemër.

Aktualisht është në spital në gjendje kritike për jetën.  Mësohet se efektivi  kishte lënë një letër për djalin e tij.

Tiranë/Informacion paraprak

Më datë 14.12.2023, në rrugën “Babë Rexha”, shtetasi F. K., 50 vjeç, (punonjës Policie), në banesën e tij, dyshohet se është vetëplagosur me armën e shërbimit.

50-vjeçari ndodhet në Spitalin e Traumës ku po merr ndihmën mjekësore.

Grupi hetimor në bashkëpunim me Prokurorinë po punon për sqarimin e rrethanave të ngjarjes.