Deklarata e gazetarit: Një ushtarak i lartë me video erotike në zyrën e tij po herohet nga SPAK

Gazetari Ferdinand Dervishi ka bërë një deklaratë të fortë në një studio televizive, teksa komentoi punën e SPAK gjatë vitit të kaluar.

Dervishi teksa dha detaje për hetimet që SPAK po kryen mbi dosjen e pronave të forcave detare, tha se në një prej 25 celularëve që u janë sekuestruar ushtarakëve dhe zyrtarëve të lartë të ministrisë së Mbrojtjes është gjetur një video ku një uishtarak, të cilit gazetari nuk i përmendi emrin, shihet teksa kryen marrëdhënie seksuale brenda zyrës së tij.

Sipas tij, kjo shkelje po hetohet më vete.

“Janë sekuestruar 25 telefona ushtarakësh dhe duke u hapur një telefon gjendet edhe një situatë marrëdhënie seksuale në një zyrë shteti që po hetohet më vete. Pra në një celular të një ushtaraku, zyrtari të lartë të ministrisë së Mbrojtjes në zyrën e vet”- tha Dervishi.