Kanada / Rrëzohet avioni, humbin jetën 6 persona

Gjashtë persona vdiqën tragjikisht të martën në një zonë të largët të Kanadasë veriore kur avioni i vogël me të cilin po udhëtonin u rrëzua.

Miniera e diamanteve Rio Tinto

Gjigandi anglo-australian i minierave Rio Tinto tha se një aeroplan i nisur për në minierën e diamanteve Diavik që transportonte anëtarë të stafit u rrëzua, duke rezultuar në disa të vdekur.

Kontakti me aeroplanin e Northwestern Air u humb pak pasi u ngrit rreth orës 08:50 (me orën lokale) pranë Fort Smith, në veriperëndim të Kanadasë, sipas qendrës së koordinimit të operacioneve të kërkim-shpëtimit të zonës.

Shtatë persona ishin në bord, njëri prej të cilëve mbijetoi, sipas burimit të AFP. Gjendja e tij është e paqartë në këtë fazë.

Ekipet e shpëtimit u detyruan të shkonin në vendin e rrëzimit me motor dëbore pasi u hodhën nga helikopterët, rreth 1.1 km nga pista.

Fluturimet për në qytetin e vogël të Fort Smith janë anuluar deri më vonë sot.