VENDIMI skandaloz/ Gjykata dënon me 6 vite burg ish-policin që vrau 29-vjeçarin për radhën në market

Ky ësgtë vendimi i gjykatës , për dënimin   me 6 vite e 8 muaj burg për ish-policin Arbër Sula, i cili vrau në dhjetor të vitit 2021, Jurgen Dukën, për një konflikt në lidhje me radhën në marketin e lagjes.

Ngjarja ndodhi në një market pranë rrugës Irfan Tomini në Tiranë dhe polici Arbër Sula shkrepi pistoletën pa u menduar dy herë.

Mësohet se gjatë hetimit për policin vrasës janë dorëzuar dokumenta, të cilat e kanë nxjerrë si një person me probleme të shëndetit mendor, prandaj dhe dënimi i është ulur. Ndër të tjera ka përfituar edhe nga gjykimi i shkurtuar.

Vrasesi, punonjësi i policisë së shtetit po dënohet si një hajdut pulash. Shteti vret përsëri kete radhë jo me pistoletën e shtetit por me çekiçin e drejtësisë.

Gjyqtarët që kanë dhënë këtë vendim janë Taulant Banushi, Arnisa Këlliçi dhe Edvan Veçani.

Arnisa Këlliçi është e njëjta gjyqtare, e cila dje u akuzua nga prokuroria e Tiranës, për “Kallëzim të Rremë”, pasi ajo kishte kërcënuar veten me një letër duke pretenduar se ky kërcënim ka ardhur nga të tjerë.