Meta flet për rrugën Korçë-Ersekë : Para një jave e paralajmërova shembjen

Kryetari i Partisë së Lirisë, Ilir Meta, tha se e kishte paralajmëruar shembjen e rrugës Korçë-Ersekë para një jave.

“Para një jave nga Shkodra e paralajmërova atë që pritej të ndodhte me rrugën super të shtrenjtë por pa standarde, “Korçë-Ersekë”, që rrezikon të përsëritet në “Kardhiq-Delvinë”, por dhe në rrugët e tjera të florinjta të “Rilindjes”.

“Veprat” më të mëdha të kësaj Qeverie janë gropat shumë të thella të korrupsionit në çdo sektor, që vetëm thellohen dhe përhapen kudo!

Kështu ndodh në një vend ku drejtësia garantohet nga ai që e ka kapur për fyti: Kryeministri!” shkruan Meta në median sociale.