Meksikë/ Gjenden të copëtuar brenda një makine trupat e 4 personave, mes tyre kandidati për kryetar bashkie dhe gruaja e tij

Një ngjarje e rëndë ka ndodhur në Meksikë, ku janë gjetur 4 trupa të pajetë.

Mediat e huaja raportojnë se kandidati për kryetar bashkie në komunitetit Cojuca de Benitez, gruaja e tij dhe dy persona të tjerë u gjetën brenda një automjeti të djegur.

Trupat e katër personave, përfshirë atë të një kandidati për zyrtar vetëqeverisëse në zgjedhjet e 2 qershorit, u gjetën të copëtuar në një automjet të djegur në Acapulco, në jug të Meksikës, njoftuan autoritetet lokale.

Kandidati u emërua nga fraksioni i tij, PRI (“Partia Revolucionare Institucionale”, dominuese për dekada në skenën politike meksikane).
 
Bëhej fjalë, sipas njoftimit të saj, për Anibal Zuniga Cortes, kandidat për kryetar bashkie në komunitetin të Cojuca de Benitez.

Kandidati dhe gruaja e tij u vranë në mënyrë të tmerrshme, u ankua organizata lokale PRI në shtetin Guerrero.

Trupat e dy personave të tjerë u gjetën brenda automjetit dhe prokuroria dhe autoritetet po hetojnë vrasjet në seri.

Përveç kësaj, të mërkurën e kaluar, në shtetin Chiapas (në jug), një kandidat u vra pas një ngjarjeje parazgjedhore. Lucero Lopez Massa ishte një kandidat për kryetar bashkie në Concordia. Pesë persona të tjerë mbetën të vrarë në këtë sulm.