Spiro Koleka del i persekutuari i regjimit!

Një investigimi i  gazetarit Armand  Mahos  për “Syrin”  ka zbuluar  skandalin me favorizime duke ushtruar ndikimin  e postit  për të nxjerre VKM  që janë korruptive   dhe për pasojë Kolekët kanë përfituar qindramijë metra tokë në bregdet. Pasardhësit e fisit Koleka kanë të gjithë të drejtën ligjore për të kërkuar pronat e tyre, por e drejta morale është humbur kur paraardhësi i tyre u bashkua me persekutorët.

Kur kjo e drejtë përfshin kryeministrin Edi Rama, i cili përfiton nga një pronë me origjinë të dyshimtë, kjo bëhet një vepër penale.

Rama ka zhdukur kuadrin ligjor të 25 viteve për të përfituar personalisht. Ligji 20/2020 u miratua për të pranuar çdo dokument që provon pronësinë e paraardhësve të tij. Vendimi i gjykatës të vitit 2019 përmend ligjin 133/2015 rreth 28 herë dhe vendimin e qeverisë numër 222, 13 herë.

Ligji 20/2020

Rama ka hartuar ligje që favorizojnë trashëgimtarët e Kolekës, duke përdorur vendime gjykate dhe dokumente të dyshimta për të siguruar pronën e tyre. Ligji 20/2020 dhe vendimet përkatëse lejojnë regjistrimin e pronës pa hetime të mëtejshme administrative.

Skema Korruptive

Skema korruptive përfshin mungesën e dokumenteve ligjore dhe manipulimin e institucioneve. ATP nuk ka kryer hetime, duke lejuar trashëgimtarët t’i drejtohen gjykatës me dokumente të reja. Vendimi i gjykatës është bërë i detyrueshëm për zbatim nga ATP.

VKM Favorizuese për Ramën

Në dhjetor 2020, një VKM tjetër legalizon falsifikimin e dokumenteve të pronave. ASHK nuk kryen hetime, por thjesht regjistron dokumentet. Rama përfiton nga kjo VKM duke marrë gjysmën e tokave të Vunoit, përfshirë plazhin e Gjipesë.

Pyetja për SPAK
A do fillojë SPAK hetimin për kryeministrin Edi Rama dhe të tjerët të përfshirë në rrëmbimin e 22.4 hektarëve tokë në Vuno?